Quannu taliu u me paisi di luntanu
pari ‘ca u putissi teniri ‘nta manu
cu ddi casi di issu, i tetta cu i canala, comu fussiru abbrazzati
cu ddi campanili chi parinu surdati.
Taliu ddu munti chi pari a testa di un giganti
ddu munti pizzu u’ nn’è chi stettiru i primi genti
viu dd’aceddi ‘nvolu ‘nta ddu celu chi pari un quatru pittatu
ddu lavureddu virdi virdi appena spuntatu.
Mi veni di chiudiri l’occhi, vogghiu sunnari,
mi pari di sentiri rumuri di spati,sonu di tammurina,
sentu chitarri e mandulina sunari
pi principi, principessi, dami e cavaleri fari abballari.
Sentu puru campani a festa e marci di banna
chi sonanu pi fari onuri a li santi pi li strati cunnuciuti
viu fumu di castagni e di zuccaru filatu,
sentu ciavuru di cubbaita culurata.
Si grapu l’occhi, mi pari ancora di sunnari,
u me paisi è dda, un mi stancu di taliari,
vogghiu sentiri ancora un ‘zoccu mi dicia me patri
vogghiu ancora essiri abbrazzatu e vasatu di me matri.
13 marzo 2022
Saverio La Paglia
QUANDO VEDO IL MIO PAESE DA LONTANO – CIMINNA: Quando vedo il mio paese da lontano / pare poterlo tenere nella mano / con le case di gesso, i tetti con canali, come fossero abbracciati / con quei campanili che sembrano soldati. / Guardo quel monte che sembra la testa di un gigante / il monte pizzo dove si stabilirono i primi paesani / vedo gli uccelli in volo in quel cielo che sembra un dipinto quel campo di grano verde verde appena spuntato. / Mi viene di chiudere gli occhi, voglio sognare, mi sembra di sentire rumore di spade, suono di tamburi, / sento chitarre e mandolini suonare / per principi, principesse, dame e cavalieri fare ballare. / Sento pure campane a festa e marce di bande che suonano per onorare i santi portati in processione per le vie / vedo fumo di castagne e zucchero filato / sento odore di caramello colorato. / Se apro gli occhi, mi sembra di sognare / il mio paese è là, non mi stanco di osservare / voglio sentire ancora quello che mi diceva mio padre / voglio ancora essere abbracciato e baciato da mia madre.
Aggiungi un commento