Di stu paisi jò sugnu amanti
cca nascivu e sugnu cuntenti
si m’alluntanu d’iddu, sugnu suffirenti,
puru ca haiu tuttu, iddu mi manca ‘mmantinenti.
Cca jò haiu tanti ricordi,
sunnu vasati e carizzi di me patri e di me matri
sunnu jocura ‘mmenzu li strati
cu amici spinzirati- scatinati…
Davanti a li so munti jò penzu e suspiru,
cu la menti mi perdu e vaiu luntanu,
di lu ventu sentu lu suspiru
vulissi aviri l’ali pi daricci la manu.
Quannu agghiorna e quannu scura
sunnu spittaculi, sunnu culura,
u celu s’adduma cu u suli chi nasci
bianca addiventa a terra cu a luna chi crisci
22 luglio2021
Saverio La Paglia
CIMINNA – IL MIO PAESE: Di questo Paese io sono amante / qua sono nato e sono contento / se m’allontano da esso, soffro, / anche se ho tutto, esso mi manca all’istante. / Qua io ho tanti ricordi / sono baci e carezze di mio padre e di mia madre / sono giochi in mezzo alle strade / con amici spensierati, scatenati… / Davanti ai tuoi monti, io penso e sospiro, / con la mente, mi perdo, vado lontano, / del vento sento il sospiro / vorrei avere le ali per dargli la mano. / Quando è mattino e quando è sera, / sono spettacoli, sono colori, / il cielo s’accende con il Sole che nasce / bianca diventa la Terra con la Luna che cresce.
Aggiungi un commento